Rusiyeniñ Rostov-na-Donu Cenübiy okrugınıñ arbiy mahkemesi Rusiye uquq qoruyıcıları «Azov» brigadasınıñ maliye etilüvindde qabaatlağan qırımlını doquz yılğa üküm etti. Bu aqta iyulniñ 31-nde Rusiye kütleviy haber vastaları Qırım ve Aqyardaki Rusiye FSB idaresiniñ matbuat hızmeti bergen malümatqa esaslanıp bildirdi.
Müessise haber etkenine köre, yollanğan para Ukrayina bölügi içün donatma ve urba satın almaq içün kerek edi. Neticede erkek tutuldı ve «terrorizmni maliye etkeninde» qabaatlandı.
Tutulğannıñ adı ve soyadı aytılmay, ükümnen bağlı fikirleri aydınlatılmay.
«KrımSOS» aq qorçalayıcı teşkilâtınıñ malümatına köre, 2024 senesi eñ az 56 qırımlı Rusiye akimiyeti tarafından taqip etildi. Cinaiy davalarnıñ sebebi Rusiyede yasaqlanğan teşkilâtlarnen bağlar, devlet hainligi, casuslıq, açıq fikir bildirüvleri, diversiyalar ya da zorbalıq çağıruvlarında qabaatlavlar olğan.
Aq qorçalayıcılar Rusiye uquq qoruyıcıları açqan devlet hainligi, işbirligi ve casuslıq davaları bir qaç qat artacaqtır, dep tahmin ete. Şimdi FSB aman-aman er kün böyle davalar aça, 2014 senesine qadar olarnıñ sayısı yılda eñ çoq 10 edi. Ukrayinağa qarşı büyük istilâdan soñ devlet hainligi maddesi Rusiyede cenkke qarşı çıqqanlarğa qarşı qullanılğan maddelerden eñ populârı oldı.
Aq qorçalayıcılar Rusiye uquq qoruyıcıları açqan devlet hainligi, işbirligi ve casuslıq davaları bir qaç qat artacaqtır, dep tahmin ete. Şimdi FSB aman-aman er kün böyle davalar aça, 2014 senesine qadar olarnıñ sayısı yılda eñ çoq 10 edi. Ukrayinağa qarşı büyük istilâdan soñ devlet hainligi maddesi Rusiyede cenkke qarşı çıqqanlarğa qarşı qullanılğan maddelerden eñ populârı oldı.
